Arestado ang isang lalaki sa ikinasang Buy-Bust Operation ng Bauan MPS bandang alas-10:08 ng gabi, nitong Miyerkules sa Binay St. Brgy. Poblacion 4, Bauan, Batangas.
Naaktuhan ang suspek na kinilalang si Alexander Salazar alias Alex, 42 taong gulang na residente ng Brgy. Manghinao Proper, ng naturang bayan nang magpanggap na buyer ang isa sa miyembro ng Anti-Dangerous Drugs Enforcement Unit ng Bauan MPS.
Nasabat sa suspek ang dalawang pakete ng hinihinalang shabu na may timbang na 0.10 gramo na nagkakahalagang P680, cellphone, at P500 na ginamit bilang buy-bust marked money.
Dahil dito sasampahan ng kasong paglabag sa RA 9165 o ang Comprehensive Dangerous Drugs Act of 2002 ang naturang suspek.
About Author
