Patay ang isang lalaki matapos sumabit ang ulo nito sa cable wire ng isang tow truck bandang alas-11:05 ng gabi sa National Highway na sakop ng Barangay Tubigan, Lemery, Batangas noong Agosto 31.
Kinilala ang biktimang motorista na si Aldryn Pura, 28 taong gulang na residente ng Barangay Tubigan, Lemery, Batangas, samantalang kinilala naman ang tow truck driver at suspek na si Roque Ardales, 42 taong gulang na residente naman ng Brgy. Sirangan, Sorsogon City, Sorsogon.
Ayon sa imbestigasyon ng Lemery MPS, babaling umano mula sa right lane ng highway ang tow truck na minamaneho ng suspek habang hinihila umano nito ang bus na lumubog sa putikan habang binabaybay naman ng biktimang motorista ang daan mula Calaca City papuntang Lemery nang aksidente itong tumama sa cable wire na nagkakabit sa tow truck at bus at aksidente ngang napasabit sa cable wire ang ulo ng biktima na muntikan pang maputol na naging sanhi ng pagkamatay motorista.
Kaugnay nito dinala naman sa funeral home sa Brgy. Malinis, Lemery, Batangas ang labi ng biktima samantalang nasa kustodiya na ng Lemery MPS ang naturang suspek at kasalukuyan pa ngang iniimbestigahan ng mga awtoridad ang nangyaring insidente. | BChannel News
About Author
