Nasawi ang isang lalaking teacher matapos umanong sumalpok ang minamanehong motorsiklo sa nakaparadang ten wheeler truck sa kahabaan ng National Highway sa Brgy. Balibago, Lian, Batangas nitong Biyernes alas-4:00 ng madaling araw.
Kinilala ng Lian Police Station ang nasawing rider na si Cyrus John Carl Caisip, 38-anyos, residente sa Brgy. Carretuan, Calatagan, Batangas.
Ayon sa inisyal na imbestigasyon ng Lian MPS, habang binabagtas ng rider ang naturang daan ay aksidenteng bumangga ang kanyang motorsiklo sa isang nakaparadang ten wheeler truck.
Nadala pa sa ospital ang biktima ngunit idineklara na itong ‘dead on arrival’ dahil sa mga tinamong pinsala nito sa ulo.
Samantala, patuloy ang imbestigasyon sa naturang insidente habang ang pangalan ng driver/owner ng truck ay inaalam pa ng pulisya lalo’t wala doon nang maganap ang aksidente. | A.M. Dimayuga – BChannel News
About Author
