Patay ang 74-anyos na babae habang tatlo naman ang sugatan matapos pagsasaksakin sa Brgy. Aya, Talisay, Batangas pasado alas 11 ng gabi, nitong Martes, Abril 2, 2024.
Nakilala ng Talisay MPS ang suspek na si alyas Oliver 40-anyos, at residente ng nasabing lugar.
Batay sa imbestigasyon ng Talisay Police sa nasabing lugar at pinangyarihan, habang natutulog sa sofa ang biktima ay bigla na lamang umanong pumasok ang suspek sa bahay nito at pinagsasaksak ito ng maraming beses na nagdulot ng kanyang pagkasawi, sunod namang pinuntahan ng suspek ang tatlo pang biktima at pinagsasaksak rin ang mga ito sa hindi pa malamang dahilan.
Matapos ang krimen agad na tumakas ang suspek. Napagalaman din ng Talisay MPS na dalawa sa biktima ay menor de edad.
Sa ngayon ay patuloy pa ring pinaghahahanap ang suspek habang magsasagawa naman ng manhunt operasyon ang mga awtoridad para sa posibleng pag-kakaaresto nito. | A.Carpio, BChannel News
About Author
