Patay ang mag-asawa makaraan barilin ni Mister ang kanyang Misis at pagkaraan ay nagpakamatay rin ito sa Barangay Balagbag Cuenca, Batangas noong Sabado ng umaga.
Ayon sa inisyal na imbestigasyon ng Cuenca Police, papauwi na umano sa kanilang bahay ang mag-asawa galing sa palengke nang biglang bumaba ang misis nito sa kanilang owner-type jeep.
Base sa salaysay na rin ng ilang saksi, nagsisigaw ang misis at nagtatakbo habang humihingi ng tulong na papatayin umano siya ng kanyang asawa.
Matapos maabutan ng mister ang kanyang misis ay binaril ito ng dalawang beses sa likod at saka nagbaril ang mister sa kanyang ulo.
Nadala pa ang misis sa hospital subalit sa kasamaang palad ay binawian rin ito ng buhay habang ginagamot.
About Author
