Sugat ang inabot ng isang lalaki nang saksakin ito sa Brgy. Dacanlao, City of Calaca, Batangas nitong Linggo ng umaga bandang alas 8:30, ika-28 ng Abril.
Nakilala ng Calaca MPS, ang biktima na si Raven Magahis, 30 taong gulang habang ang suspek naman na si alyas Hellboy, 40 taong gulang pawang residente ng nasabing lugar.
Batay sa inisyal na imbestigasyon ng Calaca MPS, habang nasa water refilling station ang biktima at ang suspek ay doon nagkaroon ng mainitang pagtatalo dahilan upang bumunot ng kutsilyo ang suspek at saksakin sa kaliwang bahagi ng dibdib ang biktima.
Agad na tumakas ang suspek sakay ng kanyang tricycle sa hindi pa malamang direksyon.
Naisugod naman agad ang biktima sa hospital at doon ay kasalukuyang nagpapagaling.
Sa ngayon, ang naturang suspek ay patuloy na pinaghahanap ng pulisya gayundin din ang motibo nito sa pananaksak. | J. Fruelda, BChannel News
About Author
