Nasawi ang isang lalaki matapos masangkot sa isang riot ng kabataan sa Sitio Imelda corner NHA Ave., Brgy. Dela Paz. Antipolo City, Rizal nitong Miyerkules ng madaling araw.
Kinilala ng pulisya ang suspek na si Alyas Renzlie at ang biktima na si Cedrick.
Base sa inilabas na imbestigasyon ng Antipolo City Police Station (CPS) at sa salaysay ng saksi, nagkaroon umano ng riot ang grupo ng mga kabataan bandang alas-2 ng madaling araw kung saan sinaksak ng suspek ang biktima gamit ang isang balisong.
Matapos ang krimen, agad na tumakas ang suspek dala ang ginamit ang patalim.
Naisugod naman ang biktima sa ospital para sa medikal na atensyon subalit sa kasamaang palad habang ginagamot ay binawian ito ng buhay.
Nagsagawa naman ng follow up operation ang mga awtoridad para maaresto ang naturang suspek na nahaharap sa kasong homicide. | J.F Peradilla, BChannel News
About Author
