Patay ang isang lalaki matapos ang insidente ng pananaksak sa isang Poultry Farm sa Brgy. Pinagtung-Ulan, San Jose, Batangas, noong Nobyembre 10, 2024, bandang 1:30 ng madaling araw.
Kinilala ang naarestong suspek na si alyas Gerald, 38-anyos, residente ng naturang lugar habang ang nasawing biktima ay si alyas Jhonsen, 31-anyos at alyas Renante, 28-anyos kapatid ng biktima.
Ayon sa imbestigasyon, nakipag-inuman ang suspek kasama si Jhonsen, na kalaunan ay nauwi sa mainit na pagtatalo.
Sa gitna ng kanilang alitan, sinaksak umano ng suspek si Jhonsen sa tiyan, na agad na ikinamatay nito.
Si Renante ay nagtangkang umawat ngunit tinamaan din ng saksak sa kanang kamay at kaagad na isinugod sa Hospital para sa agarang lunas.
Kasalukuyang nasa kustodiya ng mga awtoridad ang suspek at nahaharap sa mga kasong homicide at attempted homicide. | BChannel NEWS
About Author
