Wala nang buhay nang matagpuan ang 12-anyos na estudyanteng lalaki matapos umanong malunod sa Sitio Sagingan, Brgy. Coliat, Ibaan, Batangas nitong Nobyembre 25, 2024, bandang ala-1 ng hapon.
Ayon sa Ibaan Municipal Police Station (MPS) dakong alas-2 ng hapon ng parehong araw, natagpuan ang katawan ng biktimang si alyas Rigor, matapos ang mahigit isang oras na paghahanap ng kanyang mga kasamahan.
Base sa imbestigasyon, ang biktima at kanyang mga kaibigan ay naglalaro sa ilog nang bigla siyang mawala. Hindi nila namalayan na lumubog na pala ang biktima sa bahagi ng ilog na may lalim na tatlong metro. Nang matagpuan, wala na itong buhay at agad na dinala sa kanilang tahanan.
Nagsagawa na rin ng karagdagang imbestigasyon ang Ibaan MPS upang masigurong malinaw ang mga detalye ng insidente. | BChannel NEWS
About Author
