Pumanaw na sa edad na 86 ang award-winning British actor na si Patrick Stewart, na mas nakilala sa kanyang mga iconic roles bilang Captain Jean-Luc Picard sa “Star Trek” at Professor Charles Xavier sa “X-Men” film franchise.
Ayon sa kanyang spokesperson na si Kelly Bush Novak, namatay si Stewart noong Miyerkules sa Los Angeles, October 28, kasunod ng kanyang pakikipaglaban sa Alzheimer’s disease at Lewy body dementia. Inilarawan ang kanyang huling paglalakbay bilang maikli ngunit naging makabuluhan.
Bago makilala sa Hollywood, nagsimula ang kanyang acting career sa teatro. Sumali siya sa isang amateur drama group noong edad 12 at pinag-aralan ang mga obra ni William Shakespeare. Naging bahagi rin siya ng Royal Shakespeare Company sa loob ng 14 na taon, kung saan gumanap siya bilang Macbeth, Claudius, Mark Antony at iba pang kilalang karakter.
Noong 1987, nakuha niya ang papel bilang Captain Jean-Luc Picard sa “Star Trek: The Next Generation.” Tumakbo ang serye sa loob ng pitong seasons at umabot sa 178 episodes. Naging tanyag din ang kanyang linyang “Make it so,” bilang bahagi ng kanyang karakter bilang kapitan ng USS Enterprise.
Taong 2000 naman nang unang gampanan ni Stewart ang papel ni Professor Charles Xavier sa “X-Men,” na kanyang binalikan sa ilang sequels, kabilang ang pelikulang “Logan” noong 2017, kasama si Hugh Jackman.
Sa kabila ng kanyang tagumpay sa pelikula at telebisyon, nanatiling malapit sa puso niya ang teatro. Nominado rin siya sa Tony Awards noong 2007 para sa kanyang performance bilang Macbeth.
Noong June 2010, ginawaran siya ni Queen Elizabeth II ng knighthood bilang pagkilala sa kanyang kontribusyon sa sining.
Naging ambassador din siya ng International Rescue Committee at patron ng Refuge, isang organisasyong tumutulong sa mga biktima ng domestic abuse.