Isang lalaki ang natagpuang patay sa loob ng isang frozen food store sa Lupan Building, J.P Rizal St., Brgy 4, Lipa City, Batangas kaninang umaga Pebrero 19, 2024.
Kinilala ng Lipa City Police Station ang biktima na si Gemar Bersabe, isang butcher, naninirahan sa Brgy. 4 Lipa City habang ang suspek ay sina Jamal, 19-anyos; Moner, 23-anyos; at Pendogar, 33-anyos.
Ayon sa report ng Lipa City PNP, natagpuan ng kahera ang katawan ng biktima sa CR ng naturang tindahan sa ikalawang palapag na kung saan naliligo ito sa sariling dugo at tadtad ng taga sa kanyang katawan.
Base pa sa ulat ng pulisya, nagkaroon umano ng inuman ang biktima at ang 3 suspek na kapwa stay-in sa naturang building bago maganap ang krimen.
Patuloy pang nagsasagawa ng imbestigasyon ang Lipa City Police sa naturang krimen gayundin ang motibo sa pagpaslang sa biktima. | BChannel
About Author
