Nagbabalik sa lakas ng isang Super Typhoon ang bagyong CHAMPI, na posibleng magdulot ng malalakas na hangin, heavy rains, at mapanganib na kondisyon ng karagatan sa ilang bahagi ng bansa sa mga susunod na araw.
Batay sa Tropical Cyclone Advisory Number 5A ng PAGASA, alas-singko ng hapon ngayong October 19, 2026, namataan ang sentro ng bagyo sa layong 1,515 kilometers east ng Southeastern Luzon, sa labas pa ng Philippine Area of Responsibility o PAR.
Taglay nito ang maximum sustained winds na 185 kilometers per hour malapit sa gitna, gustiness na hanggang 230 kilometers per hour, at central pressure na 940 hectopascals. Kumikilos ito pa-west northwestward sa bilis na 15 kilometers per hour, habang umaabot hanggang 720 kilometers mula sa sentro ang lawak ng malalakas hanggang typhoon-force winds.
Inaasahang papasok ang CHAMPI sa PAR bukas, October 20, sa umaga o early afternoon. Kapag nakapasok na sa Philippine Area of Responsibility, papangalanan itong ROSAL. Posible ring lalo pa itong lumakas habang nasa Philippine Sea, bago magsimulang humina nang unti-unti sa Thursday, October 22.
Ayon sa PAGASA, posibleng magtaas ng Tropical Cyclone Wind Signals sa northern at eastern portions ng Northern Luzon, pati sa ilang bahagi ng Bicol Region, ngayong gabi o bukas ng umaga. Wind Signal No. 2 o 3 ang pinakamataas na posibleng itaas batay sa kasalukuyang forecast.
Pagsapit ng Wednesday, October 21, posibleng maranasan ang malalakas na bugso ng hangin sa malaking bahagi ng Luzon at Visayas, pati sa ilang lugar sa Mindanao. Inaasahan din ang malakas na pag-ulan sa Extreme Northern Luzon.
Samantala, posibleng lumala ang kondisyon ng karagatan sa northern at eastern seaboards ng Luzon, gayundin sa eastern seaboards ng Visayas at Mindanao simula bukas. Pagsapit ng Wednesday, maaaring makaranas ng very rough hanggang very high seas ang northern at eastern seaboards ng Luzon.
Pinapayuhan ang publiko at mga disaster risk reduction office na patuloy na subaybayan ang mga update ng PAGASA. | BChannel news